360.jpg "Часопіс “Роднае слова”")
Чарговае прэзентацыйнае мерапрыемства “Роднага слова”, накіраванае на пашырэнне прафесійнага ўзаемадзеяння з чытачамі, адбылося ў Магілёўскім дзяржаўным абласным інстытуце развіцця адукацыі.
У творчай сустрэчы з настаўнікамі беларускай мовы і літаратуры першай і вышэйшай кваліфікацыйных катэгорый узялі ўдзел галоўны рэдактар выдання Наталля Шапран, а таксама член рэдкалегіі і сталы аўтар часопіса, доктар філалагічных навук, загадчык кафедры тэарэтычнай і прыкладной лінгвістыкі факультэта замежных моў Магілёўскага дзяржаўнага ўніверсітэта імя Аркадзя Куляшова Яўген Іваноў.
У дыстанцыйным фармаце да спікераў далучыўся настаўнік беларускай мовы і літаратуры кваліфікацыйнай катэгорыі “настаўнік-метадыст” СШ № 16 горада Мазыра Яўген Есіс, які пазнаёміў калег з уласным досведам выкарыстання матэрыялаў навуковага і метадычнага часопіса “Роднае слова” ў адукацыйным працэсе.
Падрабязна
Інстытут мовазнаўства імя Якуба Коласа Цэнтра даследаванняў беларускай культуры, мовы і літаратуры НАН Беларусі, рэдакцыя часопіса «Роднае слова» і канал «Культура» Беларускага радыё абвяшчаюць конкурс навукова-даследчых работ «Васількоў шапатліваю моваю…». Конкурс прымеркаваны да Міжнароднага дня роднай мовы і скіраваны на захаванне духоўнай спадчыны народа, павышэнне моўнай кампетэнцыі носьбітаў беларускай мовы, грамадзянска-патрыятычнае выхаванне і развіццё навукова-даследчых здольнасцей навучэнцаў і студэнтаў.
120-годдзе народнага паэта Петруся Броўкі навуковы і метадычны часопіс “Роднае слова” сустрэў у музеі-кватэры літаратара. З юбілейнай нагоды там прайшоў круглы стол, дзе прагучала паведамленне галоўнага рэдактара выдання Наталлі Шапран з асэнсаваннем гісторыі публікацый броўкаўскай тэматыкі на старонках “Роднага слова” за амаль чатыры дзесяцігоддзі.
Цікава, што пачаткам гэтай гісторыі стаў літаратуразнаўчы артыкул, прысвечаны творчасці пісьменніка, надрукаваны ўжо ў першым нумары выдання ў 1988 г. А вось у апошнім, чэрвеньскім, выпуску “Роднага слова” традыцыю працягнулі матэрыялы аўтараў, які звярнуліся да асобы класіка і яго спадчыны праз архіўныя пошукі і тэксталагічны аналіз, а таксама праз досвед вывучэння ў школьнай праграме.
У дзень народзінаў паэта адбылося і адкрыццё выставы сяброўскіх шаржаў – супольнага праекта часопіса і Літаратурнага музея Петруся Броўкі, ажыццёўленага ў межах добра вядомага чытачам “Роднага слова” цыкла “У анталогію беларускага шаржу”, дзякуючы якому ў навуковы зварот вяртаюцца дзясяткі твораў гэтага жанру. Аўтар праекта Сяргей Шапран правёў для гасцей куратарскую экскурсію, звярнуўшы ўвагу на гісторыю найбольш рэдкіх знаходак.
Падрабязна
