Напрыканцы лета выйшаў з друку нумар часопіса “Роднае слова”, прымеркаваны да ХХХІІІ Дня беларускага пісьменства. Над яго стварэннем рэдакцыя выдання, заручыўшыся падтрымкай сталых аўтараў, а таксама найлепшых настаўнікаў-практыкаў Магілёўскай вобласці, працавала не адзін месяц. А прэзентацыя нумара, уключаная ў праграму ўрачыстасцяў у Касцюковічах, стала сапраўдным святам для шырокага чытацкага кола і педагагічнай супольнасці раёна. 
Ганаровых гасцей у сярэдняй школе № 2 Касцюковічаў сустракалі духмяным караваем, паэтычнымі радкамі і музычнымі нумарамі ў выкананні навучэнцаў. Ад імя галоўнага ўпраўлення па адукацыі Магілёўскага аблвыканкама да ўдзельнікаў мерапрыемства з прывітальным словам звярнулася вядучы спецыяліст Л.А. Багноўская, якая перадала галоўнаму рэдактару  часопіса Н.М. Шапран падзяку “за плённае супрацоўніцтва, падтрымку і ўвагу да развіцця адукацыі рэгіёна і ўмацаванне іміджу культурнай сталіцы г. Касцюковічы”, падпісаную начальнікам ўпраўлення Л.Я. Здорыкавай.
Словы ўдзячнасці на адрас рэдакцыі “Роднага слова” прагучалі і ад кіраўніцтва аддзела па адукацыі Касцюковіцкага райвыканкама – на мерапрыемстве прысутнічалі начальнік аддзела А.С. Хомчанка і яе намеснік В.У. Шкаруба. 

Літаратура і час

Бароўка Ванда. “Самабытны голас”: да 115-годдзя Юлія Таўбіна (3)

Мішчанчук Ірына. “Паклон табе, мой беларускі краю!..”: Урокі творчасці Ніла Гілевіча (8)

Баўтрэль Інеса. Пошукі свайго: цвёрдыя вершаваныя формы ў паэзіі Ніла Гілевіча (12)

Сабуць Аліна. Дамінанты літаратуразнаўчай эсэістыкі Ніла Гілевіча (16)

Самахвалаў Дзмітрый. Ніл Гілевіч – адрасант (20)

Шматкова Ірына. Паэтыка нацыянальнага характару беларуса ў лірыцы Генадзя Бураўкіна (21)

Бараноўскі Алесь. “Гняздо для птушкі радасці” Генадзя Бураўкіна: сэнсавыя і стылявыя дамінанты зборніка (25)

Шапран Сяргей. Філалагічнае пакаленне ў жанры сяброўскіх шаржаў і гістарычных ды літаратурных анекдотаў (29)

Кісліцына Ганна. Вобраз маці ў прозе Алены Брава: Цэнтр даследаванняў беларускай культуры, мовы і літаратуры НАН Беларусі да Года беларускай жанчыны (34)

Запрашаем на прэзентацыю тэматычнага нумара навуковага і метадычнага часопіса "Роднае слова", прымеркаванага да ХХХІІІ Дня беларускага пісьменства.  Яна пройдзе 6 верасня ў сярэдняй школе № 2 г. Касцюковічы (вул. Зіньковіча, 84), пачатак у 13.00. Да сустрэчы на свяце беларускага слова!

Да ХХХІІІ Дня беларускага пісьменства

Касцюкоўшчынай блаславёныя

Бараноўскі Алесь. Антрапалогія будучыні ў паэзіі Аркадзя Куляшова  (3)

Іваноў Яўген. Афарызмы ў мове твораў Аркадзя Куляшова: Да праблемы вывучэння і лексікаграфічнага апісання (8)

Марозава Алена. Рамантычна-псіхалагічная інтэрпрэтацыя вобразаў у тэлепастаноўках паводле твораў Аркадзя Куляшова (13)

Сінькова Людміла. Спасцігаючы перажытае: лёс і лі­рыка Аляксея Русецкага  (16)

Тычко Галіна. Духоўная і побытавая культура беларусаў як форма адлюстравання нацыянальнай ідэнтычнасці ў творах Івана Чыгрынава (19)

Бязлепкіна-Чарнякевіч Аксана. Некалькі жыццяў Васіля Хомчанкі: парадоксы літаратурнай легітымізацыі (23)

Карлюкевіч Алесь. Прыродазнаўчая эсэістыка Рыгора Ігнаценкі (27)

Азаранка Наталля. “Пісьмянкоў луг” – свята паэзіі ў родным кутку (29)

Старасценка Таццяна. Методыка вызначэння тэкставых рэпрэзентантаў бінарных канцэптаў: На матэрыяле твораў Алеся Пісьмянкова (31)

Шапашнікава Алена. Зачараваны роднай прыродай: Майстар пейзажа Антон Бархаткоў (35)

16 ліпеня ў Брэсцкім абласным інстытуце развіцця адукацыі сталы аўтар часопіса "Роднае слова", настаўнік беларускай мовы і літаратуры кваліфікацыйнай катэгорыі “настаўнік-метадыст” сярэдняй школы № 16 Мазыра Яўген Есіс у межах курсаў павышэння кваліфікацыі настаўнікаў-беларусаведаў пазнаёміў калег з актуальнымі матэрыяламі навуковага і метадычнага часопіса "Роднае слова". Сустрэча прайшла ў фармаце адкрытага дыялогу-прэзентацыі, Яўген Валер'евіч засяродзіў увагу на асаблівасцях выкарыстання надрукаваных матэрыялаў на ўроках беларускай мовы і літаратуры, спецыфіцы арганізацыі пазакласнай дзейнасці. 
Таксама гаворка ішла пра змест летніх нумароў часопіса, публікацыі, прысвечаныя Яну Чачоту і Цётцы (А.Пашкевіч). А яшчэ педагогі  пазнаёміліся з анонсам  тэматычнага жнівеньскага нумара, прысвечанага Дню беларускага пісьменства.

У Дзяржаўным архіве-музеі літаратуры і мастацтва адбыўся круглы стол “З архіваў часу. Невядомы вядомы мастак Васіль Быкаў”, падчас якога быў прэзентаваны аднайменны аўтарскі цыкл, што выходзіць на старонках часопіса “Роднае слова” з майскага нумара.

Прапанаваны фармат мерапрыемства ўжо традыцыйны для навуковага выдання і архіўнай установы, якія аб’ядноўвае плённае супрацоўніцтва. На гэты раз гаворка ішла пра дасюль маладаследаваныя старонкі жыццяпісу народнага пісьменніка Беларусі, звязаныя з яго захапленнем выяўленчым мастацтвам. Сапраўдным прарывам у гэтай тэме, найперш праз публікацыі ў “Родным слове”, стала праца біёграфа Васіля Быкава – Сяргея Шапрана, дзякуючы якой чытацкае ўспрыманне асобы пісьменніка ўзбагацілася ведамі пра Быкава-мастака.

9 ліпеня 2026 года а 15-й гадзіне ў Дзяржаўным архіве-музеі літаратуры і мастацтва адбудзецца мерапрыемства “З архіваў часу. Невядомы вядомы мастак Васіль Быкаў”, дзе пойдзе гаворка пра актуальныя архіўныя даследаванні, якія ўбачылі свет у публікацыях навуковага і метадычнага часопіса “Роднае слова” і даюць адказ на шматлікія пытанні.


• Ці захаваліся франтавыя малюнкі В. Быкава і што ён ілюстраваў у другой палове 1940-х і ў 1950-х гг. на старонках газеты “Гродзенская праўда”? 

• Якія лекцыі па выяўленчым мастацтве занатоўваў?
• Каго са славутых жывапісцаў капіраваў? 

• Як выглядаюць на яго шаржах блізкія сябры А. Адамовіч, Р. Барадулін, Н. Гілевіч, У. Караткевіч? 

• Як мастакі-графікі жартавалі з Быкава і як ён сам кпіў з сябе?
Каму прысвяціў апошнія малюнкі? 


У круглым стале возьмуць удзел супрацоўнікі архіўных і музейных устаноў, даследчыкі беларускай літаратуры, мастацтвазнаўцы і сваякі вядомых дзеячаў айчыннай культуры.
Падчас мерапрыемства будуць экспанавацца малюнкі пісьменніка, якія захоўваюцца ў Беларускім дзяржаўным архіве-музеі літаратуры і мастацтва, а таксама адбудзецца перадача ў фонды БДАМЛМ часткі гродзенскага архіва Васіля Быкава, у тым ліку яго невядомых графічных прац. 

Шчыра запрашаем! Уваход вольны.

Літаратура і час

Бароўка Ванда. Феномен Алаізы Пашкевіч у мастацкім асэнсаванні беларускіх пісьменнікаў (3)

Бахановіч Наталля. Экфрасіс у стылявой тканцы прозы Алаізы Пашкевіч: Цэнтр даследаванняў беларускай культуры, мовы і літаратуры НАН Беларусі да Года беларускай жанчыны (7)

Трус Мікола. Верш “Жняя” Янкі Купалы: гісторыка-біяграфічны кантэкст, архіўна-музейны дыскурс (11) 

Самахвалаў Дзмітрый. Складаны лёс і шчодры дар Паўла Пруднікава (15)

Трафімчык Анатоль. Вобраз маці ў паэзіі Віктара Гар­дзея: Цэнтр даследаванняў беларускай культуры, мовы і літаратуры НАН Беларусі да Года беларускай жанчыны (16)

Бараноўскі Алесь. Мастацкая канцэпцыя малой радзімы ў лірыцы Віктара Гардзея: паміж біяграфізмам і міфатворчасцю (19)

Мішчанчук Ірына. Алесь Марціновіч – летапісец, які вяртае памяць (23)

Бязлепкіна-Чарнякевіч Аксана. Мадэль творчай самарэалізацыі Навума Гальпяровіча (27)

Мяцеліца Кірыл. Дапытлівы дух: Да 90-годдзя Вячаслава Чамярыцкага (30)

На старонках "Роднага слова" штогод  выходзіць праект "Памяць Вялікай Айчыннай". Сёлета яго склалі наступныя матэрыялы:

• “Лёс, абарваны вайной: Трэці ў рэйтынгу Кастусь Пчалкоў" Віктара Жыбуля; 
• "Шчасцю – быць!: Да 110-годдзя з дня нараджэння Натана Воранава" Наталлі Сяліцкай;
• "Ваенная тэма ў творчасці маладых беларускіх мастачак: Лучнасць музаў: літаратурная спадчына і выяўленчае мастацтва" Алесі Іназемцавай;
• "Дзяржаўная карцінная галерэя БССР на здымках пачатку Вялікай Айчыннай вайны"  Анастасіі Рубашнай;
• "Сачыненне – апісанне помніка гісторыі (на прыкладзе помніка ахвярам фашызму): Урок беларускай мовы (VІІІ клас)"  Наталлі Васіленкі;
• «“Не адышла ў гісторыю вайна”: Літаратурна-музычная кампазіцыя (ІХ–ХІ класы)» Аліны Зубко.

Электронную копію майскага нумара можна замовіць на сайце часопіса.

Літаратура і час

Кошман Павел. Родны край Яна Чачота: гістарычныя і прасторавыя складнікі вобраза (3)

Брадзіхіна Ала. Балада “Свіцязь” у мастацкай інтэрпрэтацыі паэтаў-філаматаў Адама Міцкевіча, Яна Чачота і Тамаша Зана (7)

Марозава Іна. Эліза Ажэшка: літаратурная спадчына ў люстэрку электроннага каталога Цэнтральнай навуковай бібліятэкі НАН Беларусі (11)

Варабей Марына. Рэцэпцыя творчасці Уладзіслава Сыракомлі ў рускай літаратурнай крытыцы другой паловы ХІХ ст.  (15)

Горны Аляксандр. “Ад веку мы спалі”: забыты беларускі гімн (19)

Карлюкевіч Алесь. Баранавічы: літаратурнае жыццё пасляваенных гадоў (22)

Шамякіна Марыя. Касмічная экспансія і зямная гісторыя: Паэма “Вяртанне на Зямлю” Аляксея Зарыцкага (25)

Уладзімір Гніламедаў, Мікола Мікуліч. Ідыястылі ў сучаснай беларускай літаратуры: На прыкладзе творчасці Навума Гальпяровіча, Людмілы Рублеўскай, Віктара Шніпа  (29)

Сопікава Валянціна. Еўдакія Лось, Вера Вярба, Галіна Загурская: сонечныя радкі паэтэс Віцебшчыны (34)