Шаноўныя сябры! Запрашаем да ўдзелу ў алімпіядзе па стараславянскай мове ў анлайн-фармаце, якую праводзіць філалагічны факультэт Гродзенскага дзяржаўнага ўніверсітэта імя Янкі Купалы пры падтрымцы часопіса “Роднае слова”.

14 красавіка 2021 года рэдакцыя часопіса “Роднае слова” наведала філалагічны факультэт Беларускага дзяржаўнага педагагічнага ўніверсітэта імя Максімам Танка. Адгукнуўшыся на запрашэнне дацэнта кафедры беларускай і замежнай літаратуры Наталлі Віктараўны Заяц, мы сталі гасцямі трэцяга курса філфака БДПУ і ўдзельнікаў СНДЛ “Літаратура: погляд маладых”.  

Літаратура і час

Вабішчэвіч Таццяна. Той, хто сплачвае доўг: публіцыстыка Лявона Гмырака (3)

Жыбуль Віктар. “А я вось увесь у Мінску…”: Мінскія адрасы Змітрака Бядулі  (7)

Часнок-Фаменка Ірына. Ускладненне нарацыі ў аповесці “Салавей” Змітрака Бядулі  (12)

Бараноўскі Міхаіл. Ён пазнаёміў “Маладняк” з Багдановічам: Змітрок Бядуля – першы багдановіча­знаўца (15)

Лабада Таццяна. “І шчасліў душою паэт…”: Беларуская хатка Змітрака Бядулі (18)

Гулева Вольга. “Чарнобылю – 35…”: Літаратурна-дакументальная экспазіцыя ў Дзяржаўным музеі гісторыі беларускай літаратуры (20)

Мельнікава Анжэла. Плён літаратуразнаўчых даследаванняў Івана Чыгрына  (22)

Дакукін Аляксандр. Тхакуравы таямніцы, альбо Уплыў індыйскай культуры на творчасць Алеся Разанава (25)

Шматкова Ірына. “Светамір” паэзіі Ірыны Багдановіч (30)

Мінскевіч Сяргей. Рытмічная структура перакладаў Ірыны Багдановіч санетаў Адама Міцкевіча (33)

Міцкевіч Васіліна. Яна перастварыла паэзію беларускіх класікаў на англійскай мове: Да 85-годдзя з дня нараджэння Веры Рыч (39)

“За што я люблю родную зямлю”. Так называўся Рэспубліканскі конкурс творчых пісьмовых работ, абвешчаны ў 2020 г. філіялам “Інстытут мовазнаўства імя Якуба Коласа” Цэнтра даследаванняў культуры, мовы і літаратуры Нацыянальнай акадэміі навук Беларусі. У ім узялі ўдзел жыхары розных гарадоў і вёсак Беларусі, прадстаўнікі розных узростаў і прафесій. Усяго на конкурс было даслана больш за 800 прац, якія ўвасобілі пачуццё гонару канкурсантаў за сваю малую радзіму. Па выніках конкурсу аўтарытэтнае журы абрала 200 найлепшых прац па 12 намінацыях: “З легендаў і казак былых пакаленняў…”, “Натхняе родная зямля”, “Магутная сіла паэзіі”, ”Скарбонка ўспамінаў”, “Старонкі мінулага”, “Краязнаўчы далягляд”, “Мінулае і сучаснасць”, “Мова маёй радзімы”, “Маладыя галасы”, “Замілаванне родным краем”, “Родныя краявіды”, “Скарбы роднай зямлі”.
 

Шчыра віншуем шаноўных каляжанак, чытачак і аўтарак з надыходам вясны! Няхай яна стане парой сапраўднага абуджэння і прынясе моцнае здароўе, спакой і радасць творчага натхнення.

Літаратура і час

Жыбуль Віктар. Падхлюпінская вуліца, Сатурнаўскі завулак… і не толькі: Мінск у жыцці і творчасці Кандрата Крапівы  (3)

Фіцнер Таццяна. Лірыка Валянціны Коўтун у кантэксце развіцця айчыннай жаночай традыцыі (9)

Штэйнер Іван. Каханне і вера Валянціны Коўтун (13)

Гулева Вольга. Беларуская сатыра: Да 125-годдзя Кандрата Крапівы і 80-годдзя заснавання часопіса “Вожык” (15)

Кажамяка Святлана. Красавіцкае прычасце Валянціны Коўтун: Досвед музейнай інтэрпрэтацыі жыцця і творчасці (18)

Міцкевіч Марыя. Палавіна яго душы: Да 130-годдзя Марыі Дзмітрыеўны Міцкевіч (21)

Брусевіч Анатоль. Спецыфіка паэтычнай вобразнасці Габрыэлі Пузыні (23)

Шаладонава Жанна. Віно ў прасторы сэнсаў: беларускія і ўкраінскія паэтычныя паралелі (28)

Рэдакцыя “Роднага слова” стала госцем філалагічнага факультэта Беларускага дзяржаўнага ўніверсітэта. Сустрэчу ў межах традыцыйнага Тыдня  беларускай мовы наладзіла кафедра беларускага мовазнаўства, з якой нас яднае даўняе сяброўства. 

«“Роднае слова” як натхненне». 
Пад такой назвай у газеце “Звязда” выйшла інтэрв’ю галоўнага рэдактара нашага часопіса Наталлі Шапран, дадзенае з нагоды Дня роднай мовы. 
Гутарку пра сёння і заўтра часопіса, а таксама пра тое, як пачуваюцца беларуская мова і літаратура, чытайце на партале zviazda.by
Аўтар інтэрв’ю – Людміла Рублеўская.

Напярэдадні Дня роднай мовы ў Беларускім дзяржаўным музеі гісторыі беларускай літаратуры адбылося святочнае мерапрыемства “Родная мова ў марах, у песнях, у снах…”. Наш часопіс стаў партнёрам яго арганізатараў, бо для рэдакцыі “Роднага слова” гэты дзень – амаль прафесійнае свята. Падарункам да свята было натхнёнае выступленне творчай моладзі мінскіх навучальных устаноў. Хлопцы і дзяўчаты чыталі вершы беларускіх аўтараў і выконвалі песні на іх словы. Роднае слова гучала ўпэўнена і шчыра.