Мінулы тыдзень у краіне прайшоў пад знакам увагі да роднай мовы. Рэдакцыя навуковага і метадычнага часопіса “Роднае слова таксама запрасіла чытачоў і ўсіх аматараў беларускай мовы правесці гэты тыдзень разам.

Прапануем вашай увазе дайджэст падзей, якія адбыліся напярэдадні Міжнароднага дня роднай мовы.

Цэнтральным мерапрыемствам тыдня стала цырымонія ўзнагароджання пераможцаў Рэспубліканскага конкурсу навукова-даследчых работ “Васількоў шапатліваю моваю…”, які “Роднае слова” ладзіла сумесна з Інстытутам мовазнаўства імя Якуба Коласа Цэнтра даследаванняў беларускай культуры, мовы і літаратуры Нацыянальнай акадэміі навук Беларусі і каналам “Культура” Беларускага радыё. Найлепшых юных мовазнаўцаў краіны віталі ў вялікай зале Прэзідыума Нацыянальнай акадэміі навук.

Сябры! Запрашаем сустрэць Міжнародны дзень роднай мовы разам з намі:

• 18 лютага слухайце “Дыялогі пра культуру” з галоўным рэдактарам часопіса Наталляй Шапран на канале “Культура” Беларускага радыё;
• 18 лютага ў 13.00  адбудзецца падвядзенне вынікаў і ўрачыстае ўзнагароджанне пераможцаў конкурсу навукова-даследчых работ “Васількоў шапатліваю моваю…”, які рэдакцыя ладзіла сумесна з Інстытутам мовазнаўства імя Якуба Коласа Цэнтра даследаванняў беларускай культуры, мовы і літаратуры НАН Беларусі і каналам “Культура” Беларускага радыё. Чакаем пераможцаў у канферэнц-зале Прэзідыума Нацыянальнай акадэміі навук Беларусі (пр. Незалежнасці, 66); 
• 19 лютага запрашаем у «Арт-лекторый “Роднага слова”» ў Нацыянальным мастацкім музеі Рэспублікі Беларусь. Лекцыя “Мінскі і сібірскі перыяды жыцця і творчасці Яна Дамеля: новыя звесткі” вядучага навуковага супрацоўніка аддзела старажытнабеларускага мастацтва Дзмітрыя Моніча, аўтара публікацыі ў студзеньскім нумары часопіса, раскрые новыя факты біяграфіі выбітнага мастака ХІХ ст. Галоўны корпус музея (вул.Леніна, 20), пачатак а 18.00-й. Наведаць лекцыю можна па ўваходным білеце ў музей.
• 20 лютага далучайцеся да прамой трансляцыі на YouTube-канале і задавайце свае пытанні ўдзельнікам круглага стала “Жывое багацце Беларусі: мова заўтрашняга дня праз адукацыю, культуру і тэхналогіі”, які пройдзе ў Доме прэсы. Пачатак у 11.00.

(18 лютага 2026, 13:00)

Гран-пры - 1 работа, 1 вучань

1 месца - 17 работ, 18 вучняў

2 месца - 21 работа, 23 вучні

3 месца - 18 работ, 19 вучняў

Усяго: 58 работ, 62 вучні

 Пераможцы Рэспубліканскага конкурсу навукова-даследчых работ “Васількоў шапатліваю моваю…”

Урачыстае ўзнагароджанне адбудзецца 18 лютага па адрасе: г. Мінск, вул. Сурганава, 1, корпус 2, аўдыторыя 302 (3-і паверх).

Пачатак у 13.00.

Усім пераможцам даслана афіцыйнае запрашэнне на мерапрыемства (на пошту райвыканкамаў).
Калі вы знайшлі сябе ў спісе пераможцаў, але не атрымалі ліст з запрашэннем, звяжыцеся з аргкамітэтам конкурсу: rs-konkurs@yandex.by.

Літаратура і час

Бароўка Ванда. Эстэтычныя імператывы Івана Мележа (3)

Трус Мікола. Арцём Вярыга-Дарэўскі і Рамуальд Зямкевіч: творчая спадкаемнасць, архіўна-выдавецкі дыскурс (9)

Мікуліч Мікола. “Калацілі ў дэфензіве і тапталі, як траву…”: Забыты паэт Заходняй Беларусі Францішак Каравацкі (14)

Шамякіна Марыя. Мікола Гамолка: “Шосты акіян” як прастора для новых геаграфічных адкрыццяў (18)

Кавальчук Вольга. Аксіялагічная змястоўнасць мастацкай вобразнасці і канцэпцыя быцця чалавека ў творчасці Васіля Зуёнка 1990–2000-х гг. (24)

Харытонава Святлана. Аксіялагічныя і тэматычныя прыярытэты дзіцячага медыя ў пасляваенны час (30)

Зубрыцкая Наталля. Хамаіл і казанскія Караны – спадчына беларускіх татараў (34)

Шапран Наталля. У прадчуванні выніку: Старонка галоўнага рэдактара (3)

Літаратура і час

Шамякіна Таццяна. Іван Шамякін і яго сябры (4)

Шамякіна Марыя. Антыўтопія рэаліста: аповесць “Paradies auf Erden” Івана Шамякіна (10)

Бароўка Ванда. Вектар на абнаўленне: штрыхі да характарыстыкі паэзіі Янкі Сіпакова (14)

Баўтрэль Інеса. Кніга вершаў “Усміхніся мне” Янкі Сіпакова: Санетны цыкл у мастацкай сістэме паэтычнага зборніка (18)

Кузьміч Наталля. Апісанні як мастацка-эстэтычны рэсурс у структуры апавядання Янкі Сіпакова (22)

Навасельцава Ганна. Аксіялагічныя дамінанты раманнага цыкла Уладзіміра Гніламедава (24)

Сабуць Аліна. Дакументальная фактаграфія ў мастацкай канцэпцыі Алеся Карлюкевіча як публіцыста (28)

Слука Надзея. Перыядычныя выданні Заходняй Беларусі ў фондзе Цэнтральнай навуковай бібліятэкі імя Якуба Коласа НАН Беларусі (33)

Нацыянальны цэнтр сучасных мастацтваў Рэспублікі Беларусь прэзентуе

На выяве толькі частка часопісных праектаў, над якімі сёлета працавала рэдакцыя “Роднага слова”.

• Убачыў свет нумар-альманах, прымеркаваны да 95-годдзя Уладзіміра Караткевіча.
• Здабыткі ўніверсітэцкай навукі паўсталі ў тэматычных нумарах, прысвечаных 90-годдзю Гомельскага дзяржаўнага ўніверсітэта імя Францыска Скарыны і 85-годдзю Гродзенскага  дзяржаўнага ўніверсітэта імя Янкі Купалы.
• Яркія супольныя праекты года “адзначылі” юбілейныя даты Цэнтральнай навуковай бібліятэкі імя Якуба Коласа НАН Беларусі (“Бібліятэка: акадэмічны фармат”) і Беларускага дзяржаўнага архіва-музея літаратуры і мастацтва (“Асоба на архіўных старонках”).

Ніколі яшчэ часопісныя навіны не поўнілася такой колькасцю справаздачных фотаздымкаў, як напрыканцы 2025-га. На гэты раз глядзіце фотарэпартаж з фінальных прэзентацый нумара-альманаха “Роднага слова”, прымеркаванага да 95-годдзя Уладзіміра Караткевіча. Сімвалічна, што яны прайшлі ў старажытнай Оршы, дзе нарадзіўся пісьменнік.
Напачатку мы сустрэліся з педагогамі Аршаншчыны ў сярэдняй школе № 3, якая носіць імя Уладзіміра Караткевіча і нават мае ўнікальны музей, дзе захоўваецца памяць пра знакамітага земляка. Праграму прэзентацыі “Роднага слова” адкрыла літаратурна-музычнае выступленне выхаванцаў сярэдняй школы № 3, падрыхтаванае паводле твораў Уладзіміра Сямёнавіча. 
 

На мінулым тыдні “Роднае слова” сустракалі ў Мазыры, з якім часопіс звязваюць даўнія творчыя стасункі.

У круглым стале, арганізаваным Мазырскім раённым вучэбна-метадычным цэнтрам, узялі ўдзел некалькі пакаленняў настаўнікаў беларускай мовы і літаратуры рэгіёна. Гэтая сустрэча невыпадкова адбылася ў СШ № 16 Мазыра, дзе працуе  сталы аўтар выдання, настаўнік кваліфікацыйнай катэгорыі “настаўнік-метадыст” Яўген Есіс.

У праграме круглага стала «Патэнцыял часопіса “Роднае слова” ў практычнай дзейнасці настаўнікаў беларускай мовы і літаратуры» прагучала выступленне галоўнага рэдактара Наталлі Шапран. У фармаце майстар-класа ўласным вопытам прафесійнага ўзаемадзеяння з навуковым СМІ пазнаёміў калег Яўген Есіс.