Рэдакцыяй часопіса “Роднае слова” сумесна з Саюзам пісьменнікаў Беларусі былі падведзены вынікі ІІ Рэспубліканскага конкурсу навукова-даследчых і творчых работ вучняў.

Конкурс быў аб’яўлены ў мінулым годзе. Цэлы год мы атрымлівалі работы вучняў і нават некаторых настаўнікаў. Вельмі прыемна, што адгукнуліся ўсе рэгіёны нашай Беларусі. А гэта сведчыць пра ўвагу вучняў да роднай мовы і літаратуры, увогуле да чытання кніг, цікавасць да творчасці як пісьменнікаў класікаў, так і да сучасных творцаў, занепакоенасць праблемаю зберажэння духоўнай беларускай спадчыны. А яшчэ пра тое, што ў часопіса “Роднае слова” шмат прыхільнікаў і сяброў.