Падведзены вынікі конкурсу мастацкіх перакладаў з кітайскай мовы “Люстэрка слоў”, які сёлета праходзіў пры інфармацыйнай падтрымцы часопіса “Роднае слова”. Арганізатарамі конкурсу традыцыйна выступаюць Рэспубліканскі інстытут кітаязнаўства імя Канфуцыя і філалагічны факультэт БДУ.
На суд журы было пададзена каля 130 твораў. Пераможцаў у шасці намінацыях на ўрачыстай цырымоніі ўзнагароджання сустракалі ў Рэспубліканскім інстытуце кітаязнаўства імя Канфуцыя БДУ. З вітальным словам да юных перакладчыкаў звярнуліся дырэктар РІКК БДУ прафесар А.А. Тозік, дэкан філалагічнага факультэта БДУ С.А. Важнік, загадчык кафедры кітайскай філалогіі філалагічнага факультэта БДУ М.М. Хмяльніцкі, галоўны рэдактар часопіса “Роднае слова” Н.М. Шапран, дацэнты кафедры кітайскай філалогіі філалагічнага факультэта БДУ А.М. Букатая і В.В. Жукавец.  
 

Літаратура і час

Навасельцава Ганна. Аксіялагічны патэнцыял раманаў Віктара Казько (3)

Кавалюк Алена. Экалогія душы і прыроды ў аповесці “Цвіце на Палессі груша” Віктара Казько (7)

Сінькова Людміла. Аляксей Карпюк і яго літаратурны герой з Заходняй Беларусі  (10)

Штэйнер Іван. Навукова і паэтычна – творчыя іпастасі Уладзіміра Мархеля (13)

Доўнар Ларыса. Слова кнігам, вершам, сябрам…: Да 85-годдзя з дня нараджэння Уладзіміра Мархеля (16)

Вострыкава Алена. Мастацкая спецыфіка гістарычнага рамана “Час майстроў” Антона Гікіша  (20)

Доўнар Аляксандра. “Трэба збірацца бліжэй да дому”: Ліст Алены Броўкі Алене Атраховіч: Лісты на шляхах Перамогі 25

Да 185-годдзя Францішка Багушэвіча

Бахановіч Наталля. Феномен Францішка Багушэ­віча (3)

Бароўка Ванда. Аксіялагічны патэнцыял творчасці Францішка Багушэвіча ў асэнсаванні Уладзіміра Караткевіча (8)

Сіплівеня Жанна, Бубновіч Іна. У мовы роднай моцнае карэнне: Адметнасці марфалагічнай сістэмы іменных часцін мовы ў творах Францішка Багушэвіча (12)

Есіс Яўген. Францішак Багушэвіч. Слова пра паэта. Паэма “Кепска будзе!”: Урок беларускай літаратуры (Х клас) (15)

Ганчарэнка Кацярына. “Каб яго, то слова, ды праўдай назвалі”: Заданні па творчасці Францішка Багушэвіча (IX клас) (17)

Працягвае працу наш афлайн-праект «Арт-лекторый “Роднага слова”».

Слухачы чарговай лекцыі даведаліся перадгісторыю стварэння выставы “Страты і вяртанне. Лёс мастацкіх каштоўнасцей Дзяржаўнай карціннай галерэі. 1939–1957”, якая цяпер экспануецца і была адкрыта да 85-годдзя з дня заснавання музея.

Пра яе ішла гаворка і ў часопіснай публікацыі аднаго з куратараў выставы Надзеі Усавай (лістападаўскі нумар за мінулы год).
А вось яе калега Анастасія Рубашная далучылася да аповеду пра музейную гісторыю ў лекцыйным фармаце і падзялілася з наведвальнікамі ўнікальнымі звесткамі і архіўнымі матэрыяламі.

Наступная лекцыя адбудзецца ў сакавіку. Сачыце за нашымі абвесткамі!

Напярэдадні Дня роднай мовы рэдакцыю “Роднага слова” сустракаў старажытны Гродна. Два насычаныя дні праляцелі нібы імгненне: прэзентацыя ў дыскусійным фармаце, круглы стол, творчыя сустрэчы, архіўна-музейная праца і… незвычайная атмасфера гістарычнага горада.

Асноўнай пляцоўкай узаемадзеяння стаў Гродзенскі дзяржаўны ўніверсітэт імя Янкі Купалы, што гэтымі днямі адзначыў сваё 85-годдзе.
На фота – невялікі рэпартаж з мерапрыемстваў з удзелам галоўнага рэдактара часопіса Наталлі Шапран, якія адбыліся па ініцыятыве Цэнтра даследавання дыяспар і замежнага беларусазнаўства, Навуковай бібліятэкі і філалагічнага факультэта Гродзенскага дзяржаўнага ўніверсітэта імя Янкі Купалы.
Дзякуем калегам за гасціннасць і плённае супрацоўніцтва – наперадзе новыя праекты.

У дзень нараджэння Рыгора Барадуліна ў Беларускім дзяржаўным архіве-музеі літаратуры і мастацтва адбылося адкрыццё літаратурна-дакументальнай выставы “Жыццё. З такімі хітрымі вачыма…”.

 

Цэнтральная навуковая бібліятэка імя Якуба Коласа НАН Беларусі сустрэла 100-гадовы юбілей міжнародным форумам аднадумцаў – навукова-практычнай канферэнцыяй “Навука. Бібліятэка. Інфармацыя”.

На пленарным пасяджэнні канферэнцыі, якое адбылося ў Прэзідыуме НАН Беларусі, гучалі ўрачыстыя словы віншаванняў ад прадстаўнікоў навукова-асветніцкіх устаноў краіны і замежжа. У дакладзе дырэктара бібліятэкі Станіслава Юрэцкага і паведамленнях шматлікіх ганаровых гасцей адлюстраваліся вехі слаўнай гісторыі, прафесійныя здабыткі, традыцыі, шырокая панарама дзейнасці і культурных стасункаў ЦНБ НАН Беларусі.
ганізацыйная дзейнасць бібліятэк”.

У дні, калі адзначаецца кітайскі Новы год, спяшаемся паведаміць пра абвяшчэнне конкурсу мастацкіх перакладаў з кітайскай мовы “Люстэрка слоў”.
Арганізатары конкурсу – кафедра кітайскай філалогіі філалагічнага факультэта і кафедра кітайскай мовы і краіназнаўства Кітая Рэспубліканскага інстытута кітаязнаўства імя Канфуцыя Беларускага дзяржаўнага ўніверсітэта сумесна з рэдакцыяй часопіса “Роднае слова”.