На выяве толькі частка часопісных праектаў, над якімі сёлета працавала рэдакцыя “Роднага слова”.

• Убачыў свет нумар-альманах, прымеркаваны да 95-годдзя Уладзіміра Караткевіча.
• Здабыткі ўніверсітэцкай навукі паўсталі ў тэматычных нумарах, прысвечаных 90-годдзю Гомельскага дзяржаўнага ўніверсітэта імя Францыска Скарыны і 85-годдзю Гродзенскага  дзяржаўнага ўніверсітэта імя Янкі Купалы.
• Яркія супольныя праекты года “адзначылі” юбілейныя даты Цэнтральнай навуковай бібліятэкі імя Якуба Коласа НАН Беларусі (“Бібліятэка: акадэмічны фармат”) і Беларускага дзяржаўнага архіва-музея літаратуры і мастацтва (“Асоба на архіўных старонках”).

Ніколі яшчэ часопісныя навіны не поўнілася такой колькасцю справаздачных фотаздымкаў, як напрыканцы 2025-га. На гэты раз глядзіце фотарэпартаж з фінальных прэзентацый нумара-альманаха “Роднага слова”, прымеркаванага да 95-годдзя Уладзіміра Караткевіча. Сімвалічна, што яны прайшлі ў старажытнай Оршы, дзе нарадзіўся пісьменнік.
Напачатку мы сустрэліся з педагогамі Аршаншчыны ў сярэдняй школе № 3, якая носіць імя Уладзіміра Караткевіча і нават мае ўнікальны музей, дзе захоўваецца памяць пра знакамітага земляка. Праграму прэзентацыі “Роднага слова” адкрыла літаратурна-музычнае выступленне выхаванцаў сярэдняй школы № 3, падрыхтаванае паводле твораў Уладзіміра Сямёнавіча. 
 

На мінулым тыдні “Роднае слова” сустракалі ў Мазыры, з якім часопіс звязваюць даўнія творчыя стасункі.

У круглым стале, арганізаваным Мазырскім раённым вучэбна-метадычным цэнтрам, узялі ўдзел некалькі пакаленняў настаўнікаў беларускай мовы і літаратуры рэгіёна. Гэтая сустрэча невыпадкова адбылася ў СШ № 16 Мазыра, дзе працуе  сталы аўтар выдання, настаўнік кваліфікацыйнай катэгорыі “настаўнік-метадыст” Яўген Есіс.

У праграме круглага стала «Патэнцыял часопіса “Роднае слова” ў практычнай дзейнасці настаўнікаў беларускай мовы і літаратуры» прагучала выступленне галоўнага рэдактара Наталлі Шапран. У фармаце майстар-класа ўласным вопытам прафесійнага ўзаемадзеяння з навуковым СМІ пазнаёміў калег Яўген Есіс.

Да 85-годдзя заснавання філалагічнага факультэта
Гродзенскага дзяржаўнага ўніверсітэта імя Янкі Купалы

Ганчар Святлана, Грынько Мікалай. Гісторыя ў асобах: да 85-годдзя філалагічнага факультэта Гродзенскага дзяржаўнага ўніверсітэта імя Янкі Купалы (3)

Літаратура і час

Сабуць Аліна. Гродзеншчына як пачатак радзімазнаўства ў публіцыстычнай спадчыне Аляксея Пяткевіча (7)

Брусевіч Анатоль. Ідэйна-вобразная спецыфіка паэтычнай парадыгмы Адама Плуга (12)

Горны Аляксандр, Мікуліч Мікола. “Да мэты, брат, ідзі адважна…”: Невядомы паэт Заходняй Беларусі Васіль Шкодзіч (16)

Тарасава Cвятлана. Драматычная паэма ў беларускай літаратуры мяжы ХХ–ХХІ стст.: жанрава-тыпалагічны аспект (19)

Аляшкевіч Таццяна. Матыў адзіноты і яго інтэрпрэтацыя ў творчасці Уладзіміра Сцяпана і Андрэя Федарэнкі  (23)

Ганчарова-Грабоўская Святлана. Камедыя ў драматургіі мяжы XX–XXI стст.: беларуска-рускі кантэкст (26)

Камлюк-Ярашэнка Людміла. Містыфікацыя аўтарства і наратыўная ненадзейнасць у “Падарожжах Беньяміна ІІІ” Мэндэлэ Мойхер-Сфорыма (31)

Шапран Сяргей. Вясёлым штрыхом – пісьменнікі Гродзеншчыны (36)

Чарговае прэзентацыйнае мерапрыемства “Роднага слова”, накіраванае на пашырэнне прафесійнага ўзаемадзеяння з чытачамі, адбылося ў Магілёўскім дзяржаўным абласным інстытуце развіцця адукацыі.
У творчай сустрэчы з настаўнікамі беларускай мовы і літаратуры першай і вышэйшай кваліфікацыйных катэгорый узялі ўдзел галоўны рэдактар выдання Наталля Шапран, а таксама член рэдкалегіі і сталы аўтар часопіса, доктар філалагічных навук, загадчык кафедры тэарэтычнай і прыкладной лінгвістыкі факультэта замежных моў Магілёўскага дзяржаўнага ўніверсітэта імя Аркадзя Куляшова Яўген Іваноў.
У дыстанцыйным фармаце да спікераў далучыўся настаўнік беларускай мовы і літаратуры кваліфікацыйнай катэгорыі “настаўнік-метадыст” СШ № 16 горада Мазыра Яўген Есіс, які пазнаёміў калег з уласным досведам выкарыстання матэрыялаў навуковага і метадычнага часопіса “Роднае слова” ў адукацыйным працэсе.

Інстытут мовазнаўства імя Якуба Коласа Цэнтра даследаванняў беларускай культуры, мовы і літаратуры НАН Беларусі, рэдакцыя часопіса «Роднае слова» і канал «Культура» Беларускага радыё абвяшчаюць конкурс навукова-даследчых работ «Васількоў шапатліваю моваю…». Конкурс прымеркаваны да Міжнароднага дня роднай мовы і скіраваны на захаванне духоўнай спадчыны народа, павышэнне моўнай кампетэнцыі носьбітаў беларускай мовы, грамадзянска-патрыятычнае выхаванне і развіццё навукова-даследчых здольнасцей навучэнцаў і студэнтаў.

 

Літаратура і час

Міцкевіч Вера. “Трэба чыстым быць душою…”: экалогія душы ў паэме “Сымон-музыка” Якуба Коласа (3)

Міцкевіч Марыя, Шувагіна-Адамовіч Наталля. Да гісторыі перакладаў паэмы “Сымон-музыка” Якуба Коласа  (6)

Вабішчэвіч Таццяна. Гімназічнае атачэнне Сяргея Палуяна ў Мазыры (9)

Трус Мікола. Галасы і адгалоскі развітання з Сяргеем Палуянам у 1910 г. (14)

Жыбуль Віктар. “Вітрына”, якая не заззяла: Ян Скрыган пад псеўданімам Янка Відук (18)

Траццяк Зоя. Працэс “белетрызацыі – дакументалізацыі” аповеду пра Першую сусветную вайну ў кнізе “Кругі” Яна Скрыгана (22)

Юркойць Дзмітрый. Асаблівасці ідэйна-мастацкай эвалюцыі творчасці Міхася Васілька (25)

Міховіч Ульяна. Ліст Алега Жылуновіча (сына Цішкі Гартнага) з блакаднага Ленінграда: Лісты на шляхах Перамогі (28)

Самахвалаў Дзмітрый. Шматгранная спадчына Міхайлы Грамыкі: Асоба на архіўных старонках (30)

Шамякіна Марыя. “Дыхайце эканомна”: канспіралагічная камедыя Андрэя Макаёнка (31)

Бароўка Ванда. Паспрабаваць раскрыць lux veritatis: Да 85-годдзя з дня нараджэння Кастуся Тарасава (35)

Шапран Наталля. Феномен даследчыцкай зацікаўленасці ды чытацкага шанавання: Да 95-годдзя з дня нараджэння Уладзіміра Караткевіча (3)

Літаратура і час

Навасельцава Ганна. Аксіялагічны патэнцыял дэтэктыўнага рамана Уладзіміра Караткевіча (4)

Бароўка Ванда. Феномен мастацкага эксперымента: “Чорны замак Альшанскі” Уладзіміра Караткевіча (8)

Кузьміч Наталля. Паэтыка і ідыястыль Уладзіміра Караткевіча: дыялектыка камунікатыўна-функцыянальнага ўзаемадзеяння (12)

Бараноўскі Алесь. Аўтарская прысутнасць у паэзіі Уладзіміра Караткевіча і голас сучаснасці: На матэрыяле зборніка “Быў. Ёсць. Буду” (14)

Смолка Вікторыя. “Песняй парушаеш ты спакой”: Народная песенная інтанацыя ў лірыцы Уладзіміра Караткевіча (19)

Ганчарова-Цынкевіч Таццяна. Вобразна-фальклорны струмень паэзіі Уладзіміра Караткевіча (23)

Жаўняровіч Пятро. Элементы раблезіянскага стылю ў творчасці Уладзіміра Караткевіча (25)

Шматкова Ірына. На службе “рыцару сумлення і свабоды”: Анатоль Верабей – слынны караткевічазнаўца (28)

Да 90-годдзя заснавання Філалагічнага факультэта 
Гомельскага дзяржаўнага ўніверсітэта імя Францыска Скарыны

Хахомаў Сяргей, Палуян Алена. Філалагічнаму факультэту Гомельскага дзяржаўнага ўніверсітэта імя Францыска Скарыны – 90 (3)

Літаратура і час

Мельнікава Анжэла. Гомельская школа літаратуразнаўства (9)

Кошман Павел. Шматмоўная спадчына беларускай літаратуры ХІХ стагоддзя: праблема ідэнтыфікацыі (13)

Багдановіч Ірына. Творчасць Габрыэлі Пузыні і літаратурны бідэрмаер (17)

Лешчанка Лідзія. Матыўныя комплексы малой прозы рамантыкаў Яна Баршчэўскага і Эдгара Алана По (23)

Ярмоленка Алена. Канцэпты жыцця і смерці ў творчасці Максіма Гарэцкага і Івана Навуменкі (27)

Бароўская Ірына. Значэнне вершаў Уладзіміра Караткевіча для самаідэнтыфікацыі беларусаў (30)

Лозка Таццяна. Метафарычнасць у лірыцы Алеся Разанава (32)

Пятроўская Таццяна. Асаблівае дзяцінства ў дзіцячай літаратуры на прыкладзе твора “Сад з матылькамі” Тамары Бунты (36)

Каралева Яніна. Глыбокая гомельская плынь у гісторыі часопіса “Бярозка” [Усевалад Краўчанка, Кастусь Кірэенка, Анатоль Грачанікаў] (38)

Шапран Сяргей. Пісьменнікі Гомельшчыны – вясёлым штрыхом (41)