Рэдакцыя часопіса “Роднае слова” сумесна з Інстытутам мовазнаўства імя Якуба Коласа НАН Беларусі абвяшчаюць конкурс навукова-даследчых работ сярод навучэнцаў устаноў агульнай сярэдняй адукацыі, навучэнцаў устаноў прафесійна-тэхнічнай, сярэдняй спецыяльнай адукацыі, студэнтаў ВНУ.
Конкурс праводзіцца з 1 лютага да 1 лістапада 2019 года. Палажэнне аб конкурсе змешчана ў часопісе “Роднае слова”, а таксама на сайтах абедзвюх устаноў: iml.basnet.by і rod-slova.by
Для зручнасці працы конкурснай камісіі навукова-даследчыя работы і заяўкі на конкурс абавязкова дасылаюцца як у папяровым, так і ў электронным выглядзе. 
Работы і заяўкі ў папяровым выглядзе дасылаюцца на адрас: вул. Сурганава, 1, корп. 2, Інстытут мовазнаўства імя Якуба Коласа НАН Беларусі, 220072, г. Мінск, Рэспубліка Беларусь. Неабходна зрабіць пазнаку на канверце: “На конкурс”.
Работы і заяўкі ў электронным выглядзе дасылаюцца на спецыяльны электронны адрас: rs-konkurs@yandex.by.
Па выніках конкурсу адбудзецца ўрачыстае ўзнагароджанне пераможцаў у межах Міжнароднай навуковай канферэнцыі “Беларуская мова ў сістэме гісторыка-культурных каштоўнасцей нацыі і дзяржавы (да 90-годдзя Інстытута мовазнаўства імя Якуба Коласа)”.
Жадаем удзельнікам конкурсу поспехаў!