Дарагія жанчыны! Віншуем вас са святам 8 Сакавіка!
Зычым вам добрага настрою, моцнага здароўя, сямейнага дабрабыту, цеплыні і душэўнай гармоніі!
Няхай у гэты святочны дзень дом будзе напоўнены светлай радасцю, сонцам і кветкамі! Няхай вам спадарожнічаюць поспех, жыццёвая ўдача, дабрыня і ўвага блізкіх!
Зоя ПАДЛІПСКАЯ
* * *
Галінкі сонечнай мімозы
Ў хрустальнай вазе на стале.
Хоць сакавік здзівіў марозам, –
Вясна ідзе!
Дарэмна ціхія сняжынкі
Кладуцца важна на зямлю, –
Мімозы радаснай галінкі
Вітаюць ветліва вясну.
І ты, мой родны, найдарожшы,
З якім і ў шчасці, і ў журбе,
Глядзіш мне сонейкам у вочы:
Вясна ідзе. Вясна ідзе!